白頭Lo - 東日物業新部署 投資日本民宿｜白頭Lo海外地產專欄

對於哈日族嚟講，最近嘅「重磅」新聞，梗係日本準備開放中國旅行團入境啦！喺呢個重要嘅時刻，當然要搵東日物業Project & Development Manager黃冠陞（Keith）分享吓嚟緊有咩部署。

「去旅遊搵到適合嘅住宿真係好重要！東日就睇準時機，啱啱設立咗全新Airbnb平台tybnbbooking.com。」Keith提到公司其實早喺2017年已經開始構思，到依家正式專注喺日本經營Airbnb業務。港人可以投資日本物業，出租畀旅客，仲攞到相當可觀嘅回報！

背後嘅理由好簡單，Keith話佢哋想做第一間香港公司嘅專業Airbnb平台，提供一站式嘅專業服務，包括收購物業、裝修到直接管理及營運，畀投資者十足嘅信心！同時，旅客可以優惠嘅價錢搵到心儀嘅住宿選擇，實現多贏局面。

Keith強調，以前港人買樓出租畀本地人嘅模式已經唔再賺錢，係時候諗吓點「轉營」！依家日本政府咁着力推動旅遊業，酒店業暢旺，仲有供不應求嘅情況！「投身酒店業做民宿，可以講係日本市場嘅大趨勢。有數據顯示，民宿嘅收入已經比純收租多三倍，配合東日物業為港人提供專業嘅服務、策劃同指導，大家可以放心好好把握旅遊業蓬勃發展嘅機會。」

專注海外房地產多年，掌握最新市場投資走勢，逢周六和讀者分享訊息。