郭志仁 - 狗男女｜九宮格

「狗男女」三個字，屬嚴重指控，不過當你看過他們的故事，或許也會如此稱呼男女主角。

故事涉及2對情侶，方便解說，一對叫Paul & Mary，另一對是阿堅阿娟。Paul、Mary及阿堅是中學同學，後來Paul跟Mary拍拖，阿堅也在朋友介紹下認識阿娟。早前阿堅求婚成功，打算明年中結婚。壞男人阿堅誓言，婚後要做好男人，拒絕狂蜂浪蝶，所以，婚前一定要盡興。

阿堅問自己：「過去有冇邊個女仔，我好想同佢一齊？」第一個出現的名字，竟然是Mary。隔籬飯香原理，阿堅經常將Mary與未婚妻比較，覺得Mary較體貼有主見等等。阿堅曾經跟未婚妻說：「你睇吓Mary，佢年初已經計劃好今年同Paul去邊度旅行，過時過節又主動買禮物俾Paul屋企人，仲就佢哋做節時間。」

早前四人相約晚飯，阿堅與Mary早到，堅點了一杯Islay whisky，Mary討厭它的泥煤風味像醫院，堅為她點了一杯蝶豆花咖啡。堅突然心血來潮，即興跟Mary「表白」。他想如果表白後，Mary可以像電影Love Actually女主角之一Keira Knightley，親吻他一下已經心滿意足。出乎意料，Mary竟然對堅說：「其實你係我中學第一個鍾意嘅人。」兩人同意，明年堅結婚前，一起享受無人之境。

最近四人約好睇戲，阿堅與Mary刻意安排同坐中間位置，各自另一半坐旁邊。阿堅左手拖住未婚妻，Mary右手拖Paul，兩人則偷偷勾手指，過程比電影更刺激，畫面跟楊丞林舊歌《我們都傻》MV相似。

狗男女很適合形容阿堅與Mary吧？明年中前應該還有好戲上演，keep you posted。

「我們都傻，傻在為一段沒有未來的愛情付出，還在期待會有奇蹟出現」楊丞琳《我們都傻》。

郭志仁