KellyChu - 天星小輪逆境尋出路 夥7-11推綠茶豆腐雪糕超好味｜Executive日記

經濟唔好，生意難做，天星小輪入不敷支。天星小輪總經理周卓賢（左圖）想方設法，打逆境戰。佢同Kelly講，已主動向政府提出，重建中環和尖少咀兩邊嘅碼頭，善用海景優勢，冀天星小輪未來嘅店舖出租收益增加。Kelly睇過相關重建概念圖，都幾現代化，希望一旦重建，可以提升呢兩個碼頭嘅地標定位，吸引更多訪客。

周卓賢話，訪港旅客多咗，但仍欠2、3成才回到2018年嘅水平，現時小輪收入約一半來自乘客，所以要諗好多不同業務，例如同半島酒店合作，在渡輪上推出下午茶船河，又計劃同香港管弦樂團合作演出等等，以爭取乘客以外嘅收入。前面不見出路，就要自行踏步前行，為咗支持佢，Kelly幫襯天星碼頭7-11便利店獨家發售的天星小輪綠茶豆腐雪糕（右圖），又真係幾好味。

Kelly Chu