郭志仁 - 男友跟女生嬉水｜九宮格

最近打風，大學宿舍傳來一陣踢水聲，女宿生E小姐跟同房同學說︰「邊啲傻仔落大雨喺度玩水呀？火星嚟香港讀書呀？未經歷過大雨？」同房探頭望：「喂，好似係你男朋友喎！」

E小姐男友是大學宿生會成員，職責之一是照顧非本地留學生，男友當然特別關心女留學生，說好夜香港故事，周末帶她們clubbing認識酒吧文化，男友跟其中兩名ABC特別熟稔。

打風當日，兩位ABC到男友宿舍傾偈，其中女生LEE提議：「不如出去玩水？」另一女生Carman無意見，男友當然歡迎，三人穿短褲拖鞋，走到宿舍平台。平台有個小水氹，水深大約到上五吋下五吋位置。三人就在小水氹互相踢水，唱歌跳舞，十分鐘後各自回宿舍沖涼。男友剛回房間，身上還在滴水時，就收到女友E小姐來電。

E小姐：「頭先你去咗邊？」

男友：「……同阿LEE、Carmen出咗去傾偈。」

E小姐：「出去？外面好大雨喎。」

男友：「都未講完，傾咗一陣，阿LEE話想去玩水……」

E小姐：「美國無雨落嘅咩？玩水，仲要玩得咁開心！你知唔知我幾尷尬！我仲問邊個咁無聊，打風大雨去玩水，原來就係我男朋友呀！」

男友：「sorry呀，唔講住我沖涼先，成身濕晒。」

男友跟兩位女生嬉水，有沒有想過女友感受？當然沒有，甚或忘記女友就住同一宿舍。壞男人天生有缺陷，跟女生單獨相處時，總以為自己仍是單身。壞男人是要管的，E小姐下令，男友一年內，不准再跟女生（們）獨處。

「In The Rain Lonely Night，孤單街中舞。想找妳，只找到，一堆感歎號」郭富城——雨中感歎號。

郭志仁