KellyChu - 收訂金唔開工　木衣櫃變紙皮櫃 免費講座教避開裝修4大中伏陷阱｜Executive日記

新手業主好不容易上車，最怕裝修新居時遇糾紛。Unique Interior Design創意總監韓國偉就同Kelly講，部分無良裝修公司抱著斂財同減省工序心態敲詐業主，以致出現如貨不對辦、超支甚至爛尾問題，建議大家要了解四大裝修陷阱，避免「貼錢買難受」。

陷阱位一：收訂金後唔開工

裝修公司收訂金快但施工慢，甚至唔開工嘅情況時有發生。如果落訂太多，裝修公司或判頭收錢後失蹤，業主好難追討。

陷阱位二：報價過低

唔同裝修公司嘅報價有平有貴，但一啲公司會提供極低報價作招徠，等業主以為價格合理而簽約。但工程開始後，業主會被追加額外費用。

陷阱位三：偷龍轉鳳用劣質材料

裝修過程中常見問題係使用同報價單不符嘅材料，有可能係裝修師傅以次充好，為求從差價中獲利，不但質量下滑，甚至引致安全問題。

陷阱位四：簡化報價單上

　 項目說明

部分奸詐嘅裝修公司會簡化報價單上面嘅工序，以節省成本，獲更多利潤。例如有裝修師傅故意唔列明剷底及批灰次數，大大影響效果同耐用程度。

要減少裝修糾紛，韓國偉就提醒業主，施工前要同裝修師傅協商好細節，包括尺寸、材料和工序，並喺報價單和施工圖上明確列出。

業主亦應清楚了解額外費用嘅細節，以免造成損失。其實Unique Interior Design會喺今個周六舉辦免費家居講座，涵蓋收樓貼士、多項裝修資訊講解、室內空間設計概念、裝修材料介紹、裝修工程進行中要注意事項等。有興趣嘅朋友記得參加！

Kelly Chu