KellyChu - 叱咤記招 粉絲逼爆昂坪 近150歌手大曬冷｜Executive日記

「2023年度叱咤樂壇流行頒獎典禮」記者會昨午喺昂坪市集舉行，近150位歌手逐一登場，加上萬千到場支持嘅Fans，場面非常熱鬧墟冚！

商台今年連續第3年揀咗喺昂坪市集舉辦頒獎禮，，Fans昨日一早逼爆現場，大喊口號支持偶像。除咗鏡仔，COLLAR、Lolly Talk等女團、MC張天賦、陳蕾、洪嘉豪、炎明熹嘅Fans亦佔一席位。有早幾日上山紮營霸頭位嘅歌迷同Kelly講，多謝昂坪360為佢地提供熱飲，又讚場洗手間都好乾淨！有Fans就話，今年搭纜車去記招場地，快過往年搭巴士，加上今年天公造美，天清氣朗，話如果下年再搞，會繼續揀搭昂坪纜車。

今年頒獎禮主題係「多謝你唱我」，帶出樂迷多謝歌手幫自己唱出聲，歌手亦多謝樂迷將自己嘅作品傳頌。另外，今年度嘅叱咤樂壇流行榜頒獎典禮，明年1月1日晚上7點會喺亞洲國際博覽館ARENA舉行。

Kelly Chu