Kelly Chu
Kelly Chu
Kelly Chu

KellyChu - 葉Sir開心打卡留念 莎莎銀袋日明禎BB搶鏡|Executive日記

2023/11/06 03:01:08 網誌分類: 生活
06 Nov
        

香港賽馬會「莎莎婦女銀袋日2023」昨日喺沙田馬場舉行,今年大會就邀請咗大馬女神林明禎做形象大使,佢身穿一襲粉紅長裙到場,時尚甜美又性感,一入場就成為全場焦點!

昨日馬場有系列配合「賽出時尚」主題嘅活動,包括最佳服飾大獎、莎莎美妝產品區、新生代女子樂隊WHIZZ現場表演等。不過最搶眼嘅,當然就係今年嘅形象大使林明禎喇!佢一身粉紅色長裙,甜美而性感,一入場就「謀殺」好多菲林。女神之後仲喺IG開心share,透露自己喺第四場落咗注!現場仲有一隻高1.5米、又軟又萌嘅「淑女小馬」,畀大家打卡留念。

昨日有到場嘅本報專欄作家葉澍堃,就好開心咁同Kelly講:「今日終於同女神遇上!」佢話自己係林明禎Fans,睇晒佢演嘅所有戲,又話掛住同女神影相,唔記得叫佢教自己做招牌心心手勢,不過如果下次再見,「會叫佢教我點做!」

Kelly Chu

■馬會行政總裁應家柏(左三)、莎莎國際控股副主席郭羅桂珍(左四)、莎莎國際控股主席及行政總裁郭少明(左五)、馬會主席利子厚(左六)。■馬會行政總裁應家柏(左三)、莎莎國際控股副主席郭羅桂珍(左四)、莎莎國際控股主席及行政總裁郭少明(左五)、馬會主席利子厚(左六)。
■本報專欄作家葉澍堃終於與女神林明禎遇上。p/  
 ■本報專欄作家葉澍堃終於與女神林明禎遇上。

   

  
回應 (0)
我要發表
user