KellyChu - 由同學仔親手策劃　記得去支持 太古地產「白色聖誕市集」盛大回歸｜Executive日記

太古地產嘅年度社區節慶活動「白色聖誕市集」就快回歸喇！今年市集規模比以往更盛大，仲首次延長開放時間，一連兩個周末都可以入場 (11月30日至12月3日，及12月8至10日) 。小妹知道，今次聖誕市集係由一班好有熱誠嘅同學仔親手策劃，希望大家入場支持下佢哋！

今年市集主題係「CHOCOLAND!」，屆時糖廠街會化身成巨型復古朱古力店，現場有多個原創打卡熱點，提供系列具朱古力元素嘅聖誕節慶美食，以及豐富節慶精選商品，等大家重拾初嘗朱古力嘅甜美回憶！其實今年市集由太古地產Placemaking Academy (SPPA) 10位本地大學生策劃及執行，SPPA亦首次為中學生推出「Placemaking Academy 少年計劃」，作為其延伸計劃，由SPPA與東區民政事務處東區青藤計劃合辦，兩個學生團隊緊密合作，合力成就今次精彩嘅白色聖誕市集。

SPPA成員昨日就率先入場預覽，大家見到團隊嘅努力成果，都好開心！另外，香港東隅酒店行政總廚Graham Long，屆時會為市集設計系列聖誕美食同特色飲品，用美食陪大家過一個Merry Christmas！

Kelly Chu