KellyChu - 「光B」尹光拍「心姐」 齊齊為區選谷票｜Executive日記

區議會選舉將會喺下月10日舉行，人稱「光B」嘅「廟街歌王」尹光，就現身政制及內地事務局宣傳片，身穿白色型仔禮服，同「心姐」藝人謝雪心一齊呼籲選民投票！

雖然今次「光B」沒大開金口唱「唔理九龍定新界、紅館定廟街，都係本住一個心態，就係令班街坊High」，只係話「各位緊記，12月10日區議會選舉投票日，投你神聖一票，1210區選齊投票，共建美好社區」，但小妹都相信好有號召力，唔少Fans到時都會出嚟投票嘅！

今年74歲嘅尹光近期係全城熱話，今年仲有份角逐「叱咤樂壇流行榜頒獎典禮」嘅「我最喜愛男歌手」，好多Fans都話實至名歸！政制及內地事務局可以話「食正個勢頭」，一啲都唔落後於潮流。

Kelly Chu