KellyChu - 逛西九海濱小鎮好浪漫 巨型聖誕樹啱打卡 香港繽紛冬日巡禮閃耀維港｜Executive日記

大家有沒發現，最近無論溫度定氣氛，都開始有冬日氣息！旅發局本月24日起，會再舉行「香港繽紛冬日巡禮」，屆時會喺維港上演水上煙火，加上位於西九文化區藝術公園嘅海濱巨型聖誕樹、聖誕小鎮，同埋迪士尼樂園、海洋公園嘅聖誕節慶活動，相信會吸引更多旅客訪港，旅發局有信心全年旅客突破3000萬人次！小妹亦都祝大家有一個歡樂嘅白色冬日！

「冬日維港水上煙火」會喺12月9日起，連續3個周末上演8場，每場歷時約10分鐘，活動橫跨聖誕假期，即包括平安夜、聖誕節及聖誕節翌日，到時大家可以睇到多個節日限定煙火圖案，例如「聖誕樹」、「禮物」等；而之前喺夏季大受市民歡迎嘅「HK」字樣煙火，今次亦會再現維港！

今年海濱聖誕小鎮亦將換上新裝飾，西九文化區藝術公園海演草坪下星期五起，會放置一棵高逾10米、掛滿幻彩燈飾嘅巨型聖誕樹，夜晚同另一半喺樹下漫步打卡，一定好浪漫！

旅發局就話，10月訪港旅客數字約有346萬人次，其中東南亞市場復甦強勁，相比2017及2018年同期，來自菲律賓及泰國嘅旅客量已恢復超過9成。今年頭10個月嘅訪港旅客人次已達約2680萬，超過今年初預期，有信心全年旅客突破3000萬人次。

Kelly Chu