KellyChu - 「西九繽紛聖誕」12‧21舉行 草地美酒佳餚市集好Chill｜Executive日記

聖誕就到喇，西九文化區12月21至30日將舉辦首個「西九繽紛聖誕」，屆時「西九聖誕市集」會首度喺藝術公園大草坪舉行，現場設有至少25個特色攤檔，並以國際佳餚美酒為主題，提供節日食物同飲品，包括熱紅酒、經典曲奇及特色雪糕等。大家亦可帶住埋屋企人同心愛嘅毛孩入場，揀選本地品牌嘅特色聖誕禮物；亦可享受現場音樂表演、參加「藝術公園聖誕工作坊」，同埋欣賞璀璨絢麗嘅節日燈飾！

另外，12月23日至26日嘅聖誕周末期間，著名爵士樂隊The Carpio Brothers會喺藝術公園帶來每晚2場特備節目，鍾意爵士樂嘅朋友唔好錯過！

Kelly Chu