KellyChu - 漫畫家彭康兒揚威國際｜Executive日記

《時間列車》獲頒銀獎

香港漫畫家兼插畫家彭康兒憑漫畫作品《時間列車》，喺第17屆日本國際漫畫獎奪得銀獎。文化體育及旅遊局局長楊潤雄亦祝賀佢獲獎，話《時間列車》內容觸動人心，成績令人鼓舞，再次證明香港創作人才嘅實力。彭康兒感謝評審嘅肯定同「港漫動力」計劃嘅支持，等本地漫畫家可以發揮所長，推動更多香港作品登上國際舞台。

《時間列車》講述喺咖啡店打工度日、夢想成為小說作家嘅Lena，終於獲得出版機會，但佢一時間卻陷入腦閉塞，寫唔出一個字。隨住死線逼近，窗外出現咗一架列車，聲稱可以解決所有關於時間嘅煩惱……小妹光睇呢段簡介，就覺得故事吸引，已經喺網上下單買咗嚟睇，支持下香港年輕創作人！

Kelly Chu