KellyChu - 買指定套餐即送利是封 麥當勞新年限定財福堡系列登場｜Executive日記

農曆新年就快到，人見人愛嘅Hello Kitty同麥當勞就提前同大家拜年，今日起推出新年必食嘅招財福堡系列，仲有扭扭薯條和全新紅豆年糕批，正呀！其中招財牛堡套餐新春優惠價只要39元，仲隨餐附送麥當勞醒獅利是封。小妹從味蕾到心靈，已經感受到濃濃年味！

每逢新春佳節，麥當勞都有必食招財福堡系列，知道大家心思思，今日起回歸喇！今個系列包括招財牛堡、招財雞堡、黃金脆薯牛堡及黃金菠蘿雞堡，而且用全新推出嘅黃金長麵包炮製，口感鬆軟！

大家今日起就可以39元買到「招財牛堡套餐」，無論到餐廳點餐，或經麥當勞App下單，都可享受優惠！

紅豆年糕批全新登場

當然，優惠點止一個，麥當勞App亦會推出「黃金脆薯牛堡或黃金菠蘿雞堡套餐減$3」、「指定招財福堡套餐四道菜滋味套餐減$5」等。另外，大家仲可以食到人氣高企嘅扭扭薯條、全新登場嘅紅豆年糕批！而只要買任何招財福堡系列套餐，都可獲贈1套4款麥當勞醒獅利是封，精美得嚟又好用。

Kelly Chu