KellyChu - 經澳門輾轉7411公里尋回 港男歎：大癲！ 蘭桂坊跌AirPods奇幻漂流到澳洲｜Executive日記

唔見咗貴重物品，相信大家都會好緊張，最近就有港男唔見咗自己嘅AirPods（見圖），發文話願意用700元薄酬，又利用iPhone「尋找」功能追蹤，點知耳機唔止過大海去咗澳門，仲越洋去到墨爾本！正當事主宣布放棄嘅時候，有當地港人幫佢搵返，仲約好香港交收，結局峰迴路轉。

最近有一名港男喺FB失物群組發文，表示自己12月30日凌晨喺中環蘭桂坊，唔見咗蘋果無線耳機，希望網民可以幫佢搵返，願意用700元薄酬及不作追究。但一直冇人聯絡佢，透過iPhone「尋找」功能追蹤耳機下落時，發現竟已被帶到澳門。港男無奈，質問點解唔歸還呢？

港男及後更發現耳機坐飛機去咗澳洲墨爾本，總距離有7411公里，指「由中環唔見到澳門再到澳洲，你贏…我放棄」。正當打定輸數之際，事情卻峰迴路轉，有喺墨爾本嘅網友聯絡佢，表示已幫佢搵返AirPods，仲約好3月回港時交收。

原來係因為有大量群友分享及轉發，加上澳洲當地幾位好心港人願意到耳機定位地點，結果成功尋回。小妹認為全賴事主堅持到底，成功打動網民！

Kelly Chu