KellyChu - 豪花379萬買海景單位 網購國產傢俬電器 退休港人夫婦 珠海「自製」智能安樂窩｜Executive日記

通關後有打工仔選擇內地上車，跨境返工，亦有退休夫婦選擇到內地頤養天年。一對60後香港夫婦分享佢哋豪花379萬，喺珠海購入一個約1657呎嘅海景單位，並用上多款國產電器打造智能家居，獲網民大讚非常實用！

呢對退休港夫婦經常喺社交平台分享大灣區吃喝玩樂攻略，近日透過影片向網友介紹佢哋珠海單位嘅裝修成果，指大部分傢俬、電器都係購自淘寶和京東，並由二人親自選購和訂製。妻子更大讚國產電器既實用又方便，係打理繁瑣家務嘅「好幫手」。

佢哋喺大門安裝咗一個智能鎖，上面有顯示屏幕可以睇到門外嘅人，小巧實用。為咗保障飲用水質素同方便生活，亦購入一個即熱式飲水器，飲水器接駁電掣及水管，配有三個濾水芯，直接調校水嘅熱度，過一兩秒後便有一杯熱水享用，安心又省時。

小妹最欣賞係佢哋喺飯枱加設嘅枱面，枱面設有暖板同電熱爐，更識得旋轉，天冷時可以保存飯餸溫度，仲可以一家大細打邊爐，無論坐邊個位都夾到餸，一物多用！露台添置嘅電動晾衫架都令Kelly大開眼界，透過遙控移動架子，晾衫時降下，收衫後就收返上去，真係慳返唔少位。

Kelly Chu