KellyChu - 運用科技轉型　創新方式傳遞新聞 星島頭條網勇奪「傳媒轉型大獎」銀獎｜Executive日記

人人都用手機睇新聞，不少媒體新年都積極開發多元平台、加速數碼轉型，就好似Kelly日日都睇嘅「星島頭條網」咁，24小時無間斷提供新聞資訊及創意直播節目，瀏覽量持續大幅攀升，備受歡迎；最近仲喺香港互動市務商會第8屆傳媒轉型大獎頒獎禮上，榮獲「傳媒轉型大獎—報章類別（網站）銀獎」，以表揚過去一年喺運用科技轉型、以創新方式傳遞新聞及資訊上嘅出色表現，認真威威！

Kelly知道獎項係由專業評審選出，主辦單位香港互動市務商會喺2023年10月至11月期間，邀請唔同大學嘅市場行銷、數碼營銷、新聞學嘅學者組成專業評審團，就媒體機構喺數碼轉型嘅表現評分，評審準則包括資訊創新及創意應用、跨媒體兼容性、能充分使用數碼營銷，促進業務擴展，以及用戶體驗等，最終選出5大類別嘅得獎媒體，當中總分最高分嘅會奪得整體大獎金、銀、銅獎。評審夠晒專業，「星島頭條網」攞獎絕對係實至名歸！

Kelly Chu