KellyChu - 香港話劇團教育中心開幕 以戲劇藝術為核心｜Executive日記

　　香港話劇團教育中心喺今個星期四正式開幕，中心活化二級歷史建築前賈梅士學校建成，保留咗原址嘅歷史文化內涵，同時加入新式環保建築設計，成為全港首個以戲劇藝術為工作核心嘅教育基地。

　　香港話劇團喺2019年獲政府批准租用位於佐敦覺士道、擁有120年歷史嘅前賈梅士學校，並得到發展局全額資助近6000萬元進行活化工程。活化後嘅教育中心融合可持續建築特色與文物保育原則，採用被動式冷卻策略及高效能機電系統，優化室內環境、現有生態系統和園林景觀。

　　香港話劇團教育中心話，除咗秉承傳統工作及持續開辦戲劇課程之外，亦會展開全新音樂劇課程，以及善用空間舉辦戲劇體驗活動，將藝術融入社區。文化體育及旅遊局局長楊潤雄表示，希望新嘅戲劇教育中心能夠讓社會大眾有機會接觸戲劇藝術，培養興趣，以拓展觀眾群，為話劇團和本地文化藝術及創意產業，創造發展空間。
KellyChu