KellyChu - 趁三八婦女節送祝福 李家超向司局長團隊女士贈花｜Executive日記

　　昨日係國際婦女節，行政長官李家超特別向司局長團隊中嘅女士送上花束，多謝佢哋過去一年竭盡所能，盡心盡力為香港服務，並祝大家婦女節快樂。

　　行政長官辦公室主任葉文娟、房屋局局長何永賢、發展局局長甯漢豪、公務員事務局局長楊何蓓茵、民政及青年事務局局長麥美娟，昨日都收到特首嘅花，教育局局長蔡若蓮就因外訪未能親自收花，李家超話，佢已請同事代為送上禮物和祝福。

　　李家超指，婦女喺家庭同埋社會各行各業，都發揮住重要角色，係香港不可或缺嘅重要力量，佢多謝香港婦女對社會作出嘅貢獻，而去年《施政報告》中提出設立嘅「婦女事務專員」亦將於下個月就任，專責推動婦女事務工作。
KellyChu