KellyChu - 「彤福軒」開心女侍應獲頒「服務大獎」 | Executive日記

大家成日話香港餐飲業嘅侍應「黑口黑臉」，但原來亦有敬業樂業者。早前公布嘅米芝蓮港澳指南，就頒咗一個「服務大獎」畀尖沙咀瑰麗酒店著名食府「彤福軒」嘅容麗雅（Lydia），佢係香港飲食業第一位侍應獲此殊榮。Kelly同Lydia傾談，發覺佢對食物知識好豐富，仲以親善嘅笑容，令人有開心嘅用餐體驗。

平常心提供最優質服務

　　Lydia加入咗「彤福軒」5年，由於餐廳食品水平極高，所以獲米芝蓮星星嘅呼聲一直好高，所以佢喺日常工作，都會留意同估吓，會唔會有神秘顧客來試食，但Lydia無故意做好啲，只係平常心，提供最優質嘅服務。結果，「彤福軒」以現代順德菜榮登米其林一星，而Lydia亦榮獲米芝蓮服務大獎，表揚佢嘅表現出眾，同擁有純熟嘅服務技巧，令食客開心用餐。

　　米芝蓮仲讚揚Lydia積極且主動，以友善及平易近人嘅服務關心客人不同的需求，為食客創造非凡嘅餐飲體驗。

KellyChu