KellyChu - 星島撐今屆兒童書展 及首屆香港學校巡禮 | Executive日記

　　星島新聞集團全力支持嘅第五屆「兒童書展暨超級親子用品展」及首屆「香港學校巡禮」昨日正式揭幕。今屆兒童書展以「兒童中外文化藝術交流世界」為主題，而配合「高才通」政策特設嘅「香港學校巡禮」，破天荒一站式提供各種學校資訊。

　　「香港學校巡禮」由D&P Education Kingdom主辦，星島新聞集團協辦，並由梁兆棠校長擔任總策劃，邀請咗近百間幼稚園、小學及中學參加，將會舉行多場講座、分享會及學生表演，令有意讓子女來港讀書嘅高才家長，深入了解香港教育及升學制度，從而吸引更多專才子女來港升學發展。

　　展場內亦設有超過700個展位，涵蓋兒童書籍、教育、嬰幼兒專區、家庭購物百貨等，並提供多項親子活動，適合家長和小朋友一同參與。

　　活動一連3日（5月17日至19日）喺亞洲國際博覽館舉行，絕對係今個周末嘅親子好去處！

KellyChu