KellyChu - 「法國百年時尚」展覽 莫文蔚「星音」導航講解歷史故事 | Executive日記

　　香港故宮文化博物館邀請咗樂壇天后莫文蔚（見圖）為「法國百年時尚」展覽錄製「星」音導賞，莫文蔚將以廣東話、英語及普通話3種語言，帶領觀眾了解法國時尚百年來嘅演變，以及服飾對身體形態嘅塑造，亦會分享佢最鍾意嘅珍品，為大家娓娓道來法國時尚歷史故事。

　　「法國百年時尚」展覽由巴黎裝飾藝術博物館與香港故宮文化博物館聯合主辦，將於6月26日至10月14日向公眾開放。觀眾可以欣賞到近400件珍藏，包括從十八世紀末至二十世紀初精美絕倫嘅法國服裝、珠寶與配飾，率先亮相嘅重點展品包括一件十八世紀法國女性貴族宮廷禮服（約1778年），呢件極為稀有嘅禮服由外袍、長裙、三角胸衣組成，附以金絲、銀線及蕾絲點綴，係展覽中歷史最悠久嘅展品之一。

KellyChu