KellyChu - 中環人勁like 價值逾1億 The Henderson「紅天鵝氣球」成打卡熱點 | Executive日記

恒基地產喺中環心臟地帶嘅全新寫字樓項目The Henderson，係由著名嘅扎哈．哈迪德建築事務所設計，年初完工後，Kelly每次路過中環都被佢吸引，係繁忙金融區嘅型格建築物。而大樓大堂最近添置咗一個大型紅氣球天鵝裝置藝術品，好多OL爭相同天鵝合照，迅即成為中環全新嘅打卡熱點。

　　據悉，呢個紅色氣球天鵝裝置藝術品大有來頭，由藝術家傑夫．昆斯（Jeff Koons）創作，佢嘅作品係全球各地大受歡迎，價值不菲，The Henderson呢隻天鵝估值高達逾億港元！

　　小妹參觀完The Henderson，內部裝潢一絲不苟，充滿藝術氣息，靚到可以成為無數個打卡位，真係好想喺呢度返工。36層高嘅建築，由6條大柱支撐起每一層，無柱位令空間更寬敞舒適。

　　最令Kelly學到嘢嘅係，The Henderson每一片弧形玻璃幕牆，造價昂貴，等於一架Benz房車，全因每塊由四層組成，弧度各不同，可以抵擋強勁風力，同時過濾陽光紫外線，十分之環保。要建成呢幢中環新地標，高科技嘅幕牆設計功不可沒。

KellyChu