KellyChu - 會展首5月吸64萬買家 Vinexpo Asia逾1.4萬人入場 | Executive日記

　　香港又有好消息，會展表示，今年頭5個月喺香港會議展覽中心舉行嘅商貿展，合共吸引超過64萬名嚟自世界各地及本地買家，其中國際葡萄酒及烈酒商展（Vinexpo Asia）尤其矚目，短短3日便錄得14203訪客人次，力證香港作為國際展覽樞紐嘅地位及連接內地和世界市場嘅主要門戶。

　　會展董事總經理梅李玉霞女士話，重臨香港嘅Vinexpo Asia喺3天展覽期間，吸引咗35個國家及地區嘅1032個參展商參與；出席嘅買家及進口商人數超過14000人，當中75%嚟自內地、澳門、台灣及本地，足以證明香港喺亞洲區內展覽活動舉足輕重嘅地位。

　　佢對香港會議及展覽業嘅前景充滿信心，今年下半年將有4項全新展覽和會議已落實於會展中心舉行，包括香港秋季旅遊博覽會2024、第五屆全球華人腎臟病學術大會暨香港腎科學會周年學術會議2024。
KellyChu