KellyChu - 年輕藝術家中環新海濱繪220米繽紛長廊 | Executive日記

3月香港係色彩繽紛嘅藝術月，恒基地產共襄盛舉，舉辦「Henderson Arts@Central」，展品琳瑯滿目，當中由2位本地年輕藝術家趙綺婷及林雅儀繪畫嘅城市景觀作品，喺中環新海濱三號項目化成全長220米嘅「Realising Central Cityscapes」藝術長廊，2幅巨型彩繪，非常漂亮，驚喜點綴城市空間。呢個戶外藝術構思，源自李徐子淇小時候與其他小朋友一起繪畫嘅有趣經驗。

　　「Realising Central Cityscapes」嘅構思，源於李徐子淇（Cathy）小時候一個有趣體驗，佢話當時同其他小朋友參加一個好有特色嘅繪畫班，需要爬樓梯在一幅高牆上畫畫，最後佢畫咗一個巨型小丑。嗰次經歷令佢明白到，原來創作不應受到任何局限。因此，當聯想到中環新海濱三號項目時，Cathy就好希望可以善用其大型戶外圍板，與本地年輕藝術家一起發揮創意。

恒地聯乘nodi愛心捐款

　　趙綺婷以香港文化、藝術和歷史為創作意念，用萬花筒嘅色彩繪畫香港城市景觀，展現歷史建築與恒地現代地標嘅共存發展。而林雅儀嘅創作靈感則來自「無限伸延」，作品由中環新海濱三號項目開始帶領大眾出發，往後延展至中環不同嘅特色地標，寓意項目和恒基地產持續長遠發展。

　　另外，恒基地產將會喺4月8日至5月期間聯乘咖啡品牌nodi ifc分店，將「Realising Central Cityscapes」嘅藝術畫作印製在咖啡杯套上。每售出一杯咖啡，集團將捐款予「香港救助兒童會」，透過藝術推動慈善發展。集團亦會在4月夥拍城市畫家趙綺婷及藝術家林雅儀，為「香港救助兒童會」及「油尖旺青年社」舉辦兒童藝術工作坊，結合生活與藝術，啟發兒童嘅創意思維。

KellyChu