KellyChu - 私隱公署推「懶人包」　手把手教市民保障個人資料 | Executive日記

　　好多人時刻機不離手，私隱專員公署最近就出版兩份「懶人包」，教市民精明使用智能電話及社交媒體，希望大家學識保障自己嘅個人資料。

　　Kelly整合咗一啲貼士分享畀各位讀者，首先緊記切勿移除智能電話嘅保安設定（常稱為「越獄（Jailbreak）」或「刷機（Root）」），以及應安裝防毒軟件同埋最新嘅系統更新，咁樣先可以加強保安，避免惡意程式入侵。

　　使用社交媒體時，唔好輕易提供住址及完整嘅出生日期等敏感資料；好多人上傳相片嘅時候，會tag相中朋友，但可能會令佢哋嘅資料喺唔願意嘅情況下被透露，平台亦可能將佢哋嘅影像用作臉容識別，所以最好問咗對方同意先tag喇！
KellyChu