KellyChu - 麥當勞夥Verdy辦「脆」味藝術展 | Executive日記

今個香港藝術月，除咗欣賞嚟自世界各地嘅頂尖藝術創作，不妨到西九文化區嘅「Shake&Dip Playground」主題展覽，感受充滿「脆」味嘅街頭潮流藝術！展覽係由香港麥當勞聯乘日本人氣平面藝術家Verdy策展及設計，讓觀眾感受當代美食同藝術結合嘅樂趣。

　　以街頭藝術和其標誌性卡通角色Vick而聞名國際嘅Verdy，以麥當勞經典派對美食「Shake&Dip」，即shake shake薯條和麥樂雞為靈感，融入充滿歡笑和快樂氣氛嘅遊樂場主題，透過數碼藝術媒介及互動裝置呈現「Shake&Dip」帶畀大家嘅影響。

　　展覽入口有5米高、趣致可愛嘅Vick變身成為遊樂場主人歡迎大家，進入展廳後就可以睇到一個大型M造型拱門，同埋到處都印有為食Vick拎住麥當勞美食嘅滋味樣子，一下子就讓觀眾進入遊樂氛圍。

　　走上展廳二樓，有多款互動裝置和遊戲等緊大家一齊玩，無論係同好友鬥快「Shake」薯條，定踩動音樂墊感受麥當勞嘅經典配樂「吧啦吧吧吧」，都不失為一場開心又新奇嘅體驗。

　　在玩樂之餘，展覽內亦有多個影相打卡位，以及照相館等觀眾可以同Vick一齊留下「人生四宮格」，記錄歡樂時光！
KellyChu