KellyChu - 將軍澳單車館公園八重櫻「滿開」媲美日本 | Executive日記

　　復活節假期唔駛去日本都可以賞櫻！Kelly收到街坊報料話，香港單車館公園嘅八重櫻「一晚之間」開晒花，茂盛程度有如漫天櫻花，一片粉紅花海十分靚，大家快啲趁呢個周末去將軍澳賞櫻喇。

　　櫻花花期短暫，之前吸引港人前往打卡嘅天水圍公園同埋東涌櫻花已過花期，但將軍澳嘅香港單車館公園，就有多棵新種嘅八重櫻正值盛放佳期，雖然棵數唔多，勝在達至滿開狀態，茂盛程度可媲美日本櫻花咁靚，吸引唔少街坊前往賞櫻呢。

　　櫻花嘅開花時節喺春季，天氣越暖，花期越早，開花後可維持約一至兩個星期，所以想去賞花嘅朋友仔，記得把握時間喇。香港單車館公園位於將軍澳寶康路105至107號，坑口站B2出口或將軍澳站A1出口，步行5至10分鐘便可抵達。

KellyChu