KellyChu - 失明女高音蕭凱恩上榜「感動中國人物」 | Executive日記

　　香港失明女高音歌唱家蕭凱恩（見圖）上榜內地《感動中國2023年度人物》，佢出生3個月時就因為眼疾失明，但父母對佢不離不棄，支持佢學習音樂，而堅強嘅佢自幼就學識彈琴同唱歌，仲經常參加義演籌集善款。小妹深受感動，凱恩獲此殊榮可謂實至名歸。

　　蕭凱恩喺黑暗中追逐音樂夢想，小時候通過摸盲文點字樂譜和聽錄音反覆背誦，一點一滴學識彈鋼琴，令佢成為首位考入中大音樂系和英國皇家音樂學院嘅視障人士，20歲已贏得超過70個音樂比賽獎項，2020年更獲選為香港十大傑青。凱恩嘅經歷，證明天生我材必有用！Kelly曾聽過佢自作自唱嘅一首歌，講父母支持佢踏上音樂之路，非常感動。
KellyChu