KellyChu - 搶包山最年輕女選手晉身決賽 | Executive日記

長洲搶包山5月15日會喺長洲北帝廟遊樂場足球場舉行決賽，昨午先舉行選拔賽，吸引60男、29女參加，場面同天氣一樣火熱！選手分成4人一組，鬥快爬上14米高嘅包山架。最終進入決賽嘅12人，包括9屆冠軍、長洲居民郭嘉明、去年男、女子組冠軍鍾玉川、龔子珊，以及今屆最年輕女選手、20歲嘅林楚穎。恭喜各位，小妹見大家鬥志咁高昂，相信到時決賽一定好激烈！

　　今年比賽年紀最大嘅參賽選手係62歲嘅朱同恩，他對上一次參賽，已經係10年前，話今次係朋友鼓勵，於是一齊參加，又話只要自己體能許可，下屆會繼續參賽。佢又鼓勵鍾意攀石嘅年輕人，要踴躍參加搶包山，而且記得「振興吓長洲經濟，留吓港囉！多啲玩下。」

　　搶包山初賽成績最佳嘅24名參賽者可以進入複賽；複賽頭12名男女選手，包括最少3名女參賽者，可晉身決賽。

KellyChu