KellyChu - 住宅鐵閘掛滿八卦七星陣 網民：捉鬼敢死隊香港分部？ | Executive日記

　　門口裝天眼，係為防盜；掛八卦，係為咗辟邪。兩種一齊掛，係咪各自功效加倍？近日網絡群組就熱傳一張相，可見戶主喺鐵閘精心布下「八卦天眼七星陣」，門兩邊牆上仲細心貼上注意CCTV嘅提示。唔少網民大吃一驚，留言問：「咩玩法啊？大佬！」、「捉鬼敢死隊香港分部？」、「想知佢再升級會點」；有人就諗起電影《國產凌凌漆》裏面嘅超級武器「攞你命3000」。

　　亦有眼利嘅網民指出：「個閘係典型公屋配置」、「見過舊式居屋都係呢隻閘」。房署就回覆傳媒查詢話，當局不允許公屋租戶在大門外的公共地方（例如走廊和梯間）安裝攝錄鏡頭。違規租戶會收到警告，如警告無效，會被扣分。

KellyChu