KellyChu - 亞洲50大最佳酒吧頒獎禮7●16揭幕 | Executive日記

亞洲酒吧業界盛事之一Asia's 50 Best Bars（亞洲50大最佳酒吧），今年7月16日將於香港舉行現場頒獎典禮，以及同場宣布第九屆得獎名單，係疫後連續兩年選址香港作為頒獎典禮及一系列周邊活動嘅舉辦城市。

　　Asia's 50 Best Bars嘅年度名單，係亞洲地區對雞尾酒品味最權威嘅調查，評選成員由嚟自亞洲地區265位行業領袖組成，包括調酒師、酒吧老闆、評酒人和雞尾酒專家，將令一眾頂尖酒吧界精英在港聚首一堂。

　　Asia's 50 Best Bars內容總監Emma Sleight認為，香港擁有五光十色嘅文化和發展蓬勃嘅餐飲業市場，不僅有助提升活動和頒獎典禮嘅體驗，更可推動整個地區嘅酒吧業達到更高、更卓越嘅新層次。

　　香港旅遊發展局主席彭耀佳話，是次合作反映香港喺美食界和國際酒吧業界均佔重要一席，同時展現香港融匯中西文化，及彰顯世界級旅遊目的地地位，期待迎接各地嘅酒吧界人士和饕客，感受本地酒吧卓越嘅調酒技術、熱情款待、難忘體驗及多元文化。

　　喺香港主打墨西哥風味雞尾酒嘅COA，去年獲封為亞洲最佳酒吧（The Best Bar in Asia），自2021年以來連續三年蟬聯榜首。去年共有8間本地酒吧成功得獎，Kelly期待業界今年再接再厲！

KellyChu