KellyChu - 千架無人機維港匯演超吸引 市民遊客猛「打卡」 讚歎聲不絕 | Executive日記

　　香港睇唔到極光，但好彩有旅發局嘅千架無人機表演補番數。喺前日晚上，Kelly行過灣仔海濱，見到人頭湧湧，行近啲，就有工作人員送上免費雪糕，真係愜意，一邊食免費雪糕，一邊同好多人一齊睇旅發局首次舉行嘅海上無人機匯演。

　　1000架無人機喺維港上空列陣，排出多個佛誕同太平清醮節慶主題嘅圖案。巨型立體包山活現眼前，巨大嘅平安包，大家平平安安，就自然展露笑臉。我剛好喺最佳嘅觀賞地點灣仔海濱，同大家抬起頭之外，仲一同做一個動作，就係齊齊高舉手機，猛咁「打卡」留念，好多讚嘆聲。

　　據傳媒報道，有內地旅客一落飛機，就馬上趕到灣仔，好開心趕得切睇最後數幕。有傳媒引述來自北京嘅一名女旅客話：「最後的那個中國結很好看，因為我從內地趕過來，覺得看到一個紅色的特別親切，所以就會覺得很好看。後來有個平安和太平都很好看，我只看到這些，其他我就沒有再看到了。」所以話，搞多啲大小盛事係啱嘅，旅發局朋友加油。

KellyChu