KellyChu - 長洲獲選深度遊「至尊路線」 探索60年歷史冰廠體驗剷冰 | Executive日記

　　旅遊業議會早前舉辦咗一個「創意．深度遊」行程設計比賽，一個長洲團獲選為「至尊路線」，Kelly去過長洲多次，究竟個團冇乜好玩？原來其中一個景點係長洲冰廠，真係唔講唔知。

　　呢個獲獎團由旅行社博壹文化設計，屬於深度遊，帶旅客認識長洲獨特風土人情同非物質文化遺產，行程包括參觀有60年歷史嘅長洲冰廠剷冰，了解製冰過程，仲親身體驗剷冰運冰，參加者又會去有50年歷史嘅郭錦記餅店，學整平安包，仲會體驗舞麒麟、品嘗特色美食及炭火BBQ等。

　　項目負責人吳偉本同Kelly講，長洲除咗有大魚蛋同糯米糍外，仲有好多地方值得探索，2日1夜嘅深度遊收1880元，坦言價錢唔大眾化，但希望吸引一啲對香港文化有興趣嘅人參加。旅遊業議會總幹事楊淑芬亦希望，透過深度遊吸引遊客留港過夜，強調「香港始終唔係一個鬥平嘅地方，深度遊應該以質量同故事取勝，先可以持續。」

KellyChu