Cally - 港人早餐攝取營養不足 專家建議加一杯牛奶應付早餐所需營養 | 商界講呢啲

　　擁有超過150年乳製品行業經驗嘅荷蘭皇家菲仕蘭，自2013年起將「世界牛奶日」帶到香港，積極實踐「自然滋養」嘅使命，同時宣揚健康生活，提倡攝取足夠奶類及親子運動嘅重要性。嚟緊6月1日就係「世界牛奶日」，皇家菲仕蘭仲特別委託咗香港浸會大學社會科學研究中心，進行香港世界牛奶日「早餐飲食習慣調查2024」，了解香港人嘅早餐飲食習慣。

　　調查分為三個組別，組別一係有食早餐又有飲牛奶嘅人士；組別二係有食早餐但冇飲牛奶嘅人士；而組別三係冇食早餐嘅人士。調查發現，早餐冇飲牛奶嘅人有67%早餐攝取嘅蛋白質或鈣質不足，相反早餐有飲牛奶嘅人只有14%攝取蛋白質或鈣質不足。註冊營養師詹兆洲認為，牛奶有助促進新陳代謝、有美容護膚功效及幫助小朋友腦部發展，早餐係吸收營養嘅關鍵時間，佢建議大家可以喺早餐加一杯牛奶，以應付人體攝取所需營養。

　　由即日起至6月24日逢星期一，子母牌仲會免費派發早餐，以推廣健康飲食及營養教育，培養大家健康嘅生活習慣！
Cally