6月下旬港股繼續尋底

28/6 周五港股先低後高, 單日轉向, 美元於26/6高見106.1306 後掉頭向下, 資金流改善, 好友借勢反擊, 守住250天線, 收17718, 恆指月線小幅收跌, 季線止跌回升

北水大媽積極掃入即將派息的內銀股， 基金粉飾櫥窗 做半年結 ，加上淡友擔心阿爺七一送大禮，收斂攻勢或平倉食胡，港股創6月新低後拗腰向上, 倒升收市呈陽燭

27/6 周四港股期指結算大插屠牛, 恆指收17716, 大跌373點

26/6 周三結算前夕港股反彈乏力, 但盤中恆指一度衝上18156來震熊引牛, 17200-18000 牛牛愈養愈肥, 人民幣弱雞,  拖累中港股市資金流走, 指標股QQ莊家持續沽貨撤退

關鍵日28/6(周五) 黑期指結算 、月結、季結及半年結, 基金經理粉飾櫥窗, 好淡大鱷打交位17600-17800, 港股季線收升已無懸念,惟科指升幅最細

1/7回歸紀念日港股假期休市, 中美有市

恆指18000窄幅穿梭等爆邊、好淡通殺

25/6 周二恆指收18073, 升45點

近日港股雖然窄幅波動, 恒指連日收18000附近, 但唔少股份卻沽壓沉重, 個別股份洗倉式下跌, 有無形之手托住指數來派貨

由於上周五恆指收 收18079之下, 預示恆指6月可能係收跌月, 到目前為止恆指今個月低位17753, 月波幅未達標，要破底來擴大月波幅, 其實科指昨日已率先破底創6月新低3619

美元強勢高企不下,   人民幣連日下跌, 拖累上證連跌5日, 港科指亦連跌4日, 平了今年最長連跌紀錄, 按照慣性走勢理應會彈一彈，今日17800～18000 貼價BB牛剛出世，熊熊亦下移至18200水平， 整體牛熊分佈係牛肥熊瘦

收市U盤恆指罕有地急升 45點，好友踢高想預留回調水位，拋離 17600~17800 關鍵位, 部署周四期指結算 、月結、季結及半年結, 基金經理亦要粉飾櫥窗， 踢高走貨埋數，連股神巴郡都減持比亞迪, 炒政策的資金散水

港股高開低收，單日轉向呈陰燭

20/6 周四恆指收18335, 跌95點

港股和QQ齊齊創反彈高位後倒跌收場，唔係好現象，代表沽壓沉重，近日資金加速流走，預示港股仍未脫險，破底危機未除

今日恆指一度衝上18520 秒殺肥熊即回, 昨日大鱷夾硬踢高港股畀17900～18100 BB牛出世，大量牛牛飛撲入市，牛多熊少利下殺，肥牛在17500-18100，明日能否收18079之上非常關鍵， 對港股下星期走勢具啟示作用

港股今日表面上跌幅不大，但下跌股份遠遠多個升股，無形之手托住指數來出貨，見上證3000大位危危乎，淡友加沽港股，商湯大手配股會影響市場氣氛，內地股市弱勢持續，老外繼續沽出A股，明日周五 (21/6)轉節氣夏至 (下至?)

內地股市走低, 港股乾升挾淡

19/6 周三恆指收18430, 大升515點

大鱷借利好政策消息挾淡屠熊，貼價熊陣亡，不過單日升勢過急，加上升抵18400阻力大位，QQ亦去到前高位$391, 估計明日港股獲利盤及蟹貨會出籠，其實今日滬大媽趁港股大升已經減磅, 畢竟由低位17757已反彈逾600點

按照收市陰陽韻律的慣性走勢, 明日恆指會收陰燭，美元高企, 人民幣跌勢持續, 內地股市疲弱, 上證不斷下試3000水平, 拉住港股後腿

～～～～～

後市恆指如未能收18575之上, 代表港股仍未脫險, 長氣蛇改口唱好睇19000, 相反指標就要小心見18000

今日大鱷暴力抽升可能係因為要畀17900-18100 BB牛出世，淡友趁大升市加沽科企及中資金融股

今日港股大升市但成交只得$1128億，並不理想, 代表冇新資金市, 靠挾淡逼淡友回補空倉來推升, 過去一個月恆指累計跌約二千點, 股民成手蟹趁反彈寧願走貨, 基金經理亦可能見彈高止賺來埋半年結, 期指未平倉淨數減少, 可能係短炒好友食胡，始終擔心上證插穿3000大關會拖低港股，18000 樓下有太多牛牛是後患

.