KellyChu - 香港曬到再現日當頭　林超英捕捉「無影燈柱」 | Executive日記

　　天氣持續酷熱，昨日正午時份，本港多處地區氣溫上升至33度左右。前天文台台長林超英喺facebook上傳一張燈柱冇影嘅相片，根據香港天文台解釋，呢種天文現象稱之為「日當頭」，每年夏至前後，香港都分別出現一次。

　　香港天文台喺facebook發文指，每年夏至前後，香港都分別有一次日當頭現象，今年嘅第二次會喺7月9日中午12點29分發生。林超英亦捕捉到呢個難得一見嘅「冇影」時間，佢喺facebook上傳一張燈柱冇影嘅相片，寫道：1229日當頭，燈柱無影。

　　網民紛紛留言上傳自己喺街上攝得嘅影像，張張相都烈日當空，燈柱冇影，小妹隔住個mon都覺得熱呀。大家出街記得要好好補充水份，唔好中暑呀。

KellyChu