KellyChu - 恒地辦暑期運動課程 邀港將傳授心得 | Executive日記

　　恒基地產推出「Breaking New Ground突破恒常界限」，其中與青途發展社區發展協會及凝動香港體育基金合作，喺6月至8月期間舉行暑期課程，由多名曾出戰奧運及國際大型賽事嘅香港運動員包括張小倫、蘇慧音、葉姵延等，親自教授劍擊、乒乓球、羽毛球等運動技巧及分享心得。

張小倫：以運動發放正能量

　　張小倫分享指，佢係因為中學時，有學校劍擊隊先可以接觸到呢項運動，唔係好多學校有呢種資源，而劍擊近年因成績亮麗，多咗機構支持，令更多年輕人有機會接觸，正如恒基今次嘅計劃，都係好有意義。

　　佢話，中學生好多時候感到迷惘，所以會希望鼓勵佢哋透過學習和互動，以運動發放正能量，培養個人目標；而要推動香港運動普及化、精英化和盛事化，更加需要社會各界攜手支持。

KellyChu