Cally - 「運動狂熱．躍動巴黎」 東港城與眾同樂 齊齊迎接世界體壇盛事 | 商界講呢啲

　　四年一度嘅體壇盛事一觸即發！全香港都瀰漫住一陣運動狂熱，東港城都唔例外，將喺7月27日至8月11日巴黎奧運期間，為大家呈獻「運動狂熱．躍動巴黎」活動，喺一樓中庭位置打造一個充滿法國風情嘅「躍動巴黎體育館」，畀大眾市民有機會同一眾運動健兒互動玩遊戲！開幕禮當日7月27日（星期六），東港城將邀請劍擊隊大師兄張小倫、羽毛球女神吳芷柔、歌手胡鴻鈞、任暟晴、冼靖峰、鍾柔美、孫漢霖及劉詠彤一同出席為港隊打氣。

　　佔地逾5,300呎嘅「躍動巴黎體育館」將法國國旗嘅主色調幻化成賽道，更有迷你嘅巴黎鐵塔同具代表性嘅聖火，入場人士唔單止可以盡情打卡感受法式運動場狂熱氣氛，更可親身上陣，挑戰三大人氣體育項目包括射箭、網球及足球，以汗水一較高下。參加方法好簡單，The Point會只要喺東港城場內以電子貨幣即日消費滿$500或憑2,000積分，即可換領電子遊戲套票一套，憑票可即日參加3大體育項目遊戲各一次。

　　除咗多項刺激運動，東港城亦會全程直播奧運焦點賽事，喺其中部份賽事仲會特設「Chill級打氣派對」，喺指定日子會大派打氣爆谷同汽球，齊為港隊助威打氣。三個星期嘅賽事相信都會非常緊張刺激，為咗紓緩大家嘅緊張氣氛，東港城亦將會喺8月11日（星期日）巴黎奧運閉幕當天舉行運動音樂會，大會仲會邀請到女團VIVA、顏米羔、陳蒨葶及李爾晨大唱好歌，多個團體亦會表演花式足球、花式跳繩及藝術體操等表演，結合運動同音樂為整個活動完美謝幕。

日期：7月27日至8月11日
時間：上午10時至晚上10時
地點：東港城一樓中庭
網址：www.eastpointcity.com.hk