Cally - 環保生活：屈臣氏x荷蘭美素佳兒® 回收奶粉罐 贈購物現金券 | 商界講呢啲

　　最近編輯得悉荷蘭皇家菲仕蘭旗下品牌荷蘭美素佳兒®同香港屈臣氏攜手推出咗「屈臣氏 x 荷蘭美素佳兒®『環保 Tin Tin 賞』」回收奶粉罐獎賞計劃，畀巿民可於全港十八區、近180間屈臣氏門巿回收任何品牌嘅奶粉罐，仲有機會賺到優惠！ 只要由今日開始到本年度12月31日期間，將屋企任何品牌嘅奶粉罐清洗乾淨，帶去全港十八區、近180間嘅屈臣氏門巿回收，即可獲贈「環保 Tin Tin 賞」獎賞計劃電子印花1個；易賞錢會員憑10個電子印花，可免費換領屈臣氏 $10 門市電子現金優惠券1張，為綠色生活出一分力之餘又可獲取購物著數，一舉兩得！溫馨提示，初生或階段一配方奶粉罐可回收，但不適用於獎賞計劃，不過為地球出一分力，一樣好有意義！編輯記得荷蘭美素佳兒®由2021年開始，已經推出全港首個智能奶粉罐回收機計劃，當時反應都好唔錯，回收咗接近42,000個奶粉罐，今次再同屈臣氏合作搞回收計劃，咁多接觸點，相信可吸引更多市民參與。