KellyChu - 廉署漫畫小子「Boy 303」重出江湖 到希臘培訓 足跡遍布六大洲 | Executive日記

　　廉政公署早前推出廉署漫畫小子「Boy 303」，佢不定期喺社交平台出沒，向市民介紹廉署嘅最新工作動態。Boy 303昨日再次亮相，介紹廉署人員以「香港國際廉政學院」身份，去咗希臘做培訓同交流反貪經驗，足跡仲已經遍布全球六大洲㖭。

　　是次登場嘅漫畫題為《303漫畫大作戰—國際聯繫篇》，喺4格漫畫中，Boy 303先介紹廉署人員登上雅典巴特龍神殿，表示佢哋係以「香港國際廉政學院」身份，到希臘做培訓同交流反貪經驗，更指喺過去年半已去過好多國家，學院至今培訓咗超過70個國家嘅反貪人員。除咗南極洲，廉署人員足跡已經遍布全球六大洲！

　　據悉，Boy 303意指北角渣華道303號，即廉政公署總部大樓門牌號。而漫畫作者亦係廉署職員，其已故父親為漫畫家。

KellyChu