KellyChu - 昂坪360MD書展為兒童講故仔 盼從小培養環境保護意識 | Executive日記

每年一度嘅書展又嚟喇，除咗睇吓展場入面有咩新書，Kelly最期待就係「名人講故事」環節。呢個環節請嚟社會知名人士，佢哋會卸下平日嘅工作同身份，坐低同小朋友講故事。

　　今年「名人講故事」其中一個嘉賓係昂坪360董事總經理董沛銓（James），Kelly一向都知佢講旅遊同管理非常在行，估唔到佢連講兒童故事都有一手，令當日啲小朋友坐定定、好專心咁聽佢講故事。

　　現場亦有唔少家長坐定定聽James分享，全場氣氛熱烈。而喺之後嘅問答環節，現場嘅小朋友都非常踴躍咁搶答問題，昂坪360亦特登準備咗纜車飛，送俾答啱問題嘅家庭。

　　James話自己第一次對住咁多小朋友講故事，見到台前小朋友專心的神情，覺得好滿足。佢又話自己因為喺昂坪360呢個俾樹木包圍嘅地方做嘢，深明樹木對環境的重要性，所以揀咗一個有關樹木保育嘅故事同小朋友講，希望由細孕育佢哋嘅環境保護意識。

KellyChu