KellyChu - 方力申參加恒地暑期課程 教同學仔游水分享心得 | Executive日記

　　藝人方力申成功爭取泳會改革，獲網民狂讚，形象大upgrade，不過Kelly知道其實小方作為前港隊游泳代表，一直用心培育泳壇新星，好似最近佢就參加咗恒基地產嘅「Breaking New Ground·突破恒常界限」暑期訓練計劃，教同學仔游水及分享運動心得，希望啟發佢哋對運動嘅熱情，挑戰自我。

　　計劃由恒地與青途發展社區發展協會及凝動香港體育基金合辦，於6月至8月期間舉行6個暑期課程，由多名曾出戰奧運及國際大型賽事嘅香港運動員包括方力申、張小倫、蘇慧音、葉姵延等，親自教授游泳、劍擊、乒乓球、羽毛球、滑浪風帆及網球等運動技巧及分享心得。小方是次游泳課程已於上周三及周五舉行，有約20位南區基層中學生參與。佢喺課堂上親自指導同學嘅泳姿，並舉行分享會與同學們交流互動，希望藉着呢個機會啟發青少年對運動嘅興趣和熱情，在過程中突破界限、挑戰自我。

KellyChu