KellyChu - 電車邀麥兜慶祝120歲 中環街市設尋寶遊戲 | Executive日記

　　香港電車將於本月30日迎來120歲生日，為慶祝呢個咁重要嘅日子，香港電車夥拍本地卡通角色「麥兜」，喺中環街市為大家帶嚟一系列精彩活動，一齊尋回溫馨嘅集體回憶。

　　中環街市每層都設有唔同打卡、美食、遊戲、紀念品專區畀大家參與，其中「尋找『校長』的故事」尋寶遊戲，貫穿整幢大樓，市民拎住任務卡集齊印章，就可以喺限定店換領禮品。

　　二樓更設有電車明信片站，以及可以品嘗地道美食包括雞蛋仔、「Don't 0T」凍檸啡雪葩特調、奶醬多凍咖啡及帶有電車圖樣嘅熱鮮奶等。

　　G層則設有親子遊戲攤位和電車發展史專區，家長可以同小朋友一起回顧香港嘅歷史足跡。同層嘅香港電車「120周年限定店」亦會發售多款限定商品（下圖）。

KellyChu