KellyChu - 深港聯手保育兩地生態多樣性 貫徹「綠水青山就是金山銀山」 | Executive日記

　　昨日係第二屆全國生態日，特區政府與深圳市政府喺啟動禮上簽署《深圳梧桐山-香港紅花嶺生態廊道建設合作框架協議》，提升兩地生態聯繫及保育生物多樣性合作。

　　署理政務司司長卓永興出席啟動禮並致辭，指國家一直強調大自然係人類賴以生存發展嘅基本條件，必須站在人與自然和諧共生嘅高度謀劃發展，貫徹「綠水青山就是金山銀山」重要理念。連同今年3月正式成立嘅紅花嶺郊野公園，香港現時共有25個郊野公園及22個特別地區，超過4成土地受到法例保護，比好多經濟發展相若城市優勝。

　　佢亦提到，政府正積極落實喺北部都會區，設立面積比現時香港濕地公園大5倍嘅三寶樹濕地保育公園，提升后海灣一帶嘅生境質素和生物多樣性，達致保育與發展並存，並正為第8個及最大海岸公園——北大嶼海岸公園進行法定程序，預計11月完成，連同鄰近兩個現有海岸公園，加強對中華白海豚及其他海洋生物嘅保育。

KellyChu