KellyChu - 供應軟雪糕爆谷　小朋友大讚正 灣仔海濱輕食售賣點試業 | Executive日記

灣仔海濱首個輕食飲品智能售賣點昨日起試業，現場有6部自動售賣機，提供軟雪糕、爆谷、棉花糖、即沖飲品等小食，售價18至35元。Kelly平時喺灣仔海濱散步，都想食個雪糕、飲杯嘢chill下，依家終於可以喇！

　　6部智能售賣點試業時間為每朝7點至夜晚11點，之後會因應試業情況，開放至24小時營運。所有機器食品都係現點現做，有透明窗口睇埋製作過程，其中爆谷同軟雪糕機仲係香港首次登場。同時，售賣機接受多種支付方式，包括信用卡、支付寶等，不過冇八達通，預期今年第4季增設。

　　發展局話，售賣點已取得食環牌照，會根據指引，每日約清潔1次。試業期間，當局會留意灣仔售賣點人流同銷情，籌備下個設於九龍東茶果嶺海濱嘅售賣點，預計今年底啟用。

　　一位6歲小朋友昨試食雪糕後大讚好正！爸爸湯生就話，依家售賣點主要賣甜食，希望之後可以推出鹹味食物，及「易食又健康」嘅小食等。

KellyChu