技術性反彈
2008/07/07 23:57:28 網誌分類: 笑看股海風雲
繼上星期五港股上升 181 點, 今天港股再升 489 點。
今天港股上升, 乃是國內股市回升所帶動。 早前新華社發表了一篇名為《7月中級反彈可期》的文章, 認為深滬股市經歷從高位下跌五、六成之後, 到了 7 月份股市受利淡因素主導的形勢, 應該開始改變。再加上今天又有消息指出, 温家寶總理、國家副主席習近平以及副總理王岐山最近分別巡查外貿金融情況。
國家領導人親訪金融業前綫, 瞭解有關行業的最新情況, 對有關行業表示關注, 被外界理解為中央政府維護市場的意向和决心。市場人士因此認為, 中央政府快要推出救市措施。
在上述情況帶動下, 深滬股市回升, 上証指數更一度突破 2,800 點。
一般來說, 當上証指數下跌至 3,000 點邊沿, 已到了中央政府容忍的極限。中央政府希望國內股市能夠穩步健康發展, 股市瘋狂上升固然令到中央政府擔憂, 可是股市連番急跌, 亦會觸動中央政府敏感的神經。
深滬股市到了這樣的情況, 中央政府又豈會坐視不理？！
這樣是否代表中央政府快要推出救市措施？
從 70 年代到現在, 從美國到歐洲, 當面對金融危機, 股市急跌, 政府從來都是整頓市場, 推出符合時代需要的法律和政策, 多於推出祇有短暫作用的救市措施。
今天除了中港股市, 亞太股市都普遍上升。現在歐洲未收市, 美國亦剛開市一個多小時, 歐美股市都呈上升趨勢。
這幾天股市上升, 實際是股市已累積龐大跌幅之後, 而出現的技術性反彈。通常技術性反彈都是短暫的, 過後股市又會重回下跌軌道。
免責聲明 : 以上網誌內容純屬小弟個人意見，並未對任何人士構成誘導、邀約或投資建議。小弟亦不會評論任何人士的投資行為、投資組合和買賣情況。任何人士在作出任何投資决定前, 應先行評估財務狀況和承擔風險能力。
yy太﹕
可以肯定告訴大家, 風水, 如果玩得叻, 可以準到嚇大家一跳！
至於妳話 10 年之內, 香港人又有邊個無妳所指嘅問題, 可以很清楚告訴大家, 小弟沒有以上嘅問題, 小弟身邊絕大部份朋友, 亦無以上嘅問題。
仔細運用「風水」學問, 搞好家居環境, 小弟以及身邊嘅朋友, 都可以過非常健康嘅生活, 免除咗香港人一般嘅城市病。
其實, 當妳諗風水準唔準, 就係幫妳睇嘅風水師, 有無根據妳嘅需要, 切中話題。每個人都係遇到問題, 先會揾人返屋企睇風水。如果風水師祇是泛泛而談, 沒有對症下藥, 妳當然心存疑惑啦！
這就等於人有病先會睇醫生, 如果醫生衹係話﹕你身體虛弱噃, 要做多啲運動, 食啲有營養嘅嘢。咁樣, 病人唔疑惑先奇。
如果醫生話﹕嗱, 你感冒啦, 開三日藥俾你。要休息吓, 呢兩日唔好返工喇。唔好食煙、唔好飲酒, 呢幾日唔好食生冷嘢。
咁樣, 妳估個病人仲有無疑惑呢？
有陣時啲人會認為風水師嘅預測, 咁「啱」估中。但係會唔會每年都咁啱估中？
其實, 風水命理真係好科學！
如果大家睇小弟一年以上, 都知道去年小弟預測嘅嘢, 都已經有好多新聞証實。今年剛過一半, 亦已經有好多新聞証實小弟所言非虛。
如果係咁「啱」, 就唔會年年都中！
所以, 風水絕對可以好準！
DEAR DR168:
下列是我同網友之友善討論. 想起您都習命理,有時間,指點一下. 我好想知多D, 都找好師父學,但作為一個入門者,有好多的不明. 謝謝.
SAI
我其實都想知命理, 有幾準. 因為好多時, D人都比一些好像好對的推算.
例如有些人看風水會話:
您呢間住了十年的屋, 會有氣管,鼻敏感的問題, 而且腰骨會有時酸痛, 可能手腳有機會受傷, 根骨有D問題. 事業上,會有些阻滯, 會有小人, 口舌是非. 會進修,及出門.
我立即問個位師父. (唔係串他,而是真的唔明.) 係香港人10年內大部份都有上列問題啦. 會唔會是呢. IDOGLIFE 兄, SAI 兄, 您地有冇? 邊個工作的港人, 無口舌小人在身邊呢? 好少人,十年都唔出門, 返大陸都有卦. 而且都市病,人人都有DD. 都唔知準唔準. 所以好 PUZZLE.唔明.
同今日股票唔跌過100點, 就不是跌市, 唔向上特破,就會企穩牛皮一樣. YY太
*但點解個個師父,會知個FRIEND 5 月將分手? 好奇怪.
YY太
原來博士有咁多靚女FANS,下次有網聚記得帶埋出黎呀
good night!
我地亞李生話今年會升到二萬八點喎！
美國經濟情況無實質改善之前, 任何上升都係曇花一現。
昨晚油價回落, 美元𣾀價稍穩, 本來有利股市上升。好好地升緊百幾點, 突然又話房利美以及 Freddie 因為會計制度改變, 而需要集資 750 億美元。咁樣又搞到美股由升緊百幾點, 變成下跌百幾點, 到收市道指仍然下跌 56 點。
美國佬真係累街坊, 佢哋放假就全世界都升, 佢哋一開市又為全世界添上不明朗因素。
點解美國唔放多啲假呢？！