豈有此理
2008/08/08 23:19:43 網誌分類: 生活
今早清晨三時我便抵達市政大廈門外,已經有四個人在排隊,我排第五,心諗應該會掂掛,誰知,排在最頭那三個小弟弟,在開始book場時,卻慢吞吞地揀場,攪到七時零八分才輪到我book場,什麼時間都冇得揀,只餘上午九至十和下午一至二,心諗排左咁多個小時,冇理由空手而回的,只好照哽,最多打一小時後去吃中午,餐後休息一會兒再打過吧!
下星期我要早過那三個小弟弟去排隊,最多係果度閉目養神!
book完場,照例吃一碗白粥,然後再到街市買菜,回家立即浸定d米和醃定d肉,看了一陣報紙,卻笑到我趴地,公園竟然出現變態佬,都唔講咁多,你地自己去睇,包你地笑到碌地,另一則笑聞,卻是一隻跟豬豬一樣咁懵的傻狗,鯨吞兩尺長的樹枝,攪到要做手術開肚取回,盛惠三萬港元,比豬豬那次六千港元更誇,不過,最緊要冇事吧!
睇完報紙,我便貢上床訓,矇矇矓矓間給一個電話吵醒,原來是囡囡的繪畫老師,說什麼太多學生請假為由,今晚的那堂課改為明天,這正合我心意,因為今晚又有兩小時羽毛球呢!
晚上,跟囡囡打羽毛球,她總是不肯正經打球,只好跟她鬧著玩,要不然氣死的只有我,可打到最後,我還是忍不住,發了少許脾氣呢~
明早還有課要上,所以又要早點上床睡,大家早抖啦!
哈!我怕被古靈精怪玩死我喇!........一笑!
我約左別人行山呀,多謝及鎖你先!你們開心D啦!
Book場太早真的要小心,
公園裡有怪事;巴士上也怪事... ...
你一天行程就是如此匆忙。
打球是健康,
但你吃碗粥就足夠補足體力了嗎?
那變態男.....不提也罷!
不過也有必要讓囡囡知道,
好讓她懂得防範。
寫給『玩泥沙』看的 :
豬媽日誌:
00:00 瞓覺
02:00 起床
03:00 排隊 book 場 / 玩 NDS
07:00 開始登記
07:30 食白粥
08:00 去街市買菜
09:00 回家 / 看頭條日報
10:00 瞓覺
10:30 起床
11:00 打羽毛球
.....
『玩泥沙』,豬媽好辛苦架,你要生性呀,下屆奧運,攞番個羽毛球女子單打金牌送俾豬媽啊!
加油。
咁至得人驚.
除時遇到變態佬.
我都有看到啊~真係變態ga~
我睇香港這些變態佬
在香港屬於精神有問題的一種
應該備列為危險人物
生人勿近