黑炭

小妹剛剛外遊回港，遇正香港正在颳颱風，多咗一日假期休息，可以補番外遊其間，短缺嘅睡眠時間，真係幾爽！

離家出走多天，玩嗰時就高高興興，返到香港就慘咯～發現自己變咗成舊黑炭咁，雖然面部同手臂都做足防曬準備，可惜還是敵不過紫外線侵襲，近鏡竟然發現，燒到變炭頭的面上左右兩邊都出現咗幾點雀斑……簡直係晴天霹靂，女生惡耗！而家唯有晚晚走去敷美白mask，希望可以將勤補拙喇～小妹一定要盡人士、盡努力咁令呢ｄ斑斑唔好長駐兼擴散先得！

真係百密一疏，由膊頭至手腕都有抹足防曬用品，偏偏漏咗手背冇搽，咁咪又中咗招囉！而家搞到雙手好似有老泥咁黑漆漆，ｄ皮膚又好似老咗廿年咁……點算呢？知唔知有咩方法可以補救呀？

不過總算好彩，放完假返到公司都冇咩嘢做！（可想而知小妹喺公司嘅地位係幾咁可有可無囉！）

唔知係咪玩得太盡興，返咗嚟幾日都好似唔夠瞓咁，等我得閒先去探你地喇！