環遊世界
有冇想像過另一種生活?例如唔使朝七(出門口)晚十(回到家)返工,free左出來既時間,可以做自己喜歡既野,例如打份自己有興趣既工,又例如行街買衫去旅行,去完旅行返來,check下個銀行户口,每個月都收到八千蚊既租金收入,再加每半年收到二、三萬既債券利息,仲有每半年收七、八千既股息,想像一下,只要你擁有以下資產,你就可以過咁既生活:
資 產 收 入 回 報
$200萬既樓 每月收租金$8,000 5%租金回報
$50萬債券 每半年收債息$12,500 5%債券利息
$50萬大藍籌股票 每半年收股息$7,500 3%股票利息
唔好以為好難,大把人可以做到,唔使炒樓炒股票,只要你擁有$300萬既資產,安安定定,每個月就可以產生$11,333既收入,方法係每月存$4,000,一年就有$48,000,投資係平均年回報20%既資產,13.5年後就有300萬,以恆生指數計,恆指由73年到97年,過去24年既平均每年回報就有20%。
呢個每月$11,333係被動收入,係唔做都有既收入,係個個月都有,呢個月既$11,333花光,下個月又有$11,333,除非打仗,否則呢個收入只會隨著通脹上升而增加,直到個人死後,可以留俾仔女,繼續為佢地產生收入,有呢筆錢,只要你有足夠既體力,可以支付你每月去一個國家旅行,你又可以嘆慢板,搵份閒工做,一年去兩個國家,如果而家25歲,13.5年後,即唔使40歲就有300萬,可以開始去環遊世界,每年去兩個國家,60歲前就去左40個國家,雖然全世界有204個國家/地區,但去足40個主要國家,都叫做環遊世界啦,錢方面又唔係咁難噃。
不過要補充,過去24年,香港經濟以平均每年7%~9%急速增長,所以恆指可以每年平均上升20%,未來可能做唔到,因為香港已經進入成熟經濟,如果未來可以保留平均每年4%~5%已經唔錯,但係今時今日,同樣既事發生係中國大陸,大陸未來二、三十年長期睇好,投資大陸股市,例如買大陸指數基金,未來十幾二十年,不難做到平均每年升15%,如果可以升到好離譜時沽下貨吐現,留返彈藥跌到好離譜買下貨,平均每年20%唔係冇可能,有做功課既人,升到癲,跌過籠,應該係可以分辨到既。
Piker,
香港債市剛起步,的確搵唔到5厘息既債券,不過如果piker兄有買開人債,賺匯價都多過3.25%啦,一年點只5%,應該10%冇走雞,哈哈。
想補多句,香港債市二手市極不活躍,小弟買人債都係打算keep到期,賺息賺匯價,好難將債券好快咁變返港幣,如果只諗住避一避,就keep人民幣算啦。
myself兄,
小額而又保本的零售債券似乎未必有5厘息,7月發售的人民幣債券息率都只有3.25厘。在這熊市中,我都想搵d高息債券避一避風。