的屎大佬發威
2008/12/04 10:18:51 網誌分類: 政治
在路上,的屎大佬最大,因為佢要搵食,係人都要讓佢。
佢搶你條線?理所當然!因為佢搵食。
你想佢讓些小,沒門兒!因為佢搵食。
搵食大晒啦!
今次,的屎大佬又發惡啦,堵塞機場,令整個香港機場有如泰國機場的影子,好少見D紅綠的大聯合,指責政府推出短加長減。又在機場派傳單,話俾乘客知紅的平過綠的,真係好心辦壞事。
唔鬧運輸署都唔得,你話無端端搞乜鬼短加長短減呀,又唔係你班友開的屎。多事!正如Tom媽媽所講,做多錯多,少做少錯,唔做絕對唔會錯。你話,加又好減又好,你班友派乜鬼單張呀,X屎上身!依家好啦!搞到個大頭佛出嚟。
話是話,原來短加長減係的士聯會搞出來架,有人話好,自然有人唱反調啦。你政府應該叫班的屎大佬傾掟數先推出來o者,咁樣推出,死梗啦。唔可以唔講政府班官真係無腦!
話事話,咁個經濟環境仲短加?你加啦,我就絕對唔搭啦!睇你班的屎大佬點 屎!
The Govt really should not put out and set up so many new regulations/laws/amendments. All its senior officials are so stupid that could not think out anything which is good and effective at all. So why not sit back and relax and run the society as usual?
個個都話唔掂,個個都有要求,幫得呢個,第二個條氣又唔順,真系唔幫好過幫。